Opinyon ng SC at Kongreso sa Martial Law balewala sa Pangulo

Iisnabin ni Pangulong Rodrigo Duterte anuman ang sabihin ng Korte Suprema at Kongreso kaugnay sa kanyang ipinatupad na Martial Law sa Mindanao.

Ayon sa Pangulo, tanging ang Armed Forces of the Philippines o AFP at Philippine National Police o PNP lamang ang kanyang pakikinggan pagdating sa naturang usapin.

Aniya, hanggat hindi sinasabi ng AFP at PNP na ligtas na ang bansa ay magpapatuloy aniya ang batas militar.

PAKINGGAN: Bahagi ng pahayag ni Pangulong Rodrigo Duterte

Batay sa 1987 Constitution, binigyan ng kapangyarihan ang Kongreso na desisyunan kung aaprubahan ang deklarasyon ng Martial Law at kung ito ay palalawigin pa ng Pangulo ng lampas sa animnapung (60) araw ay kailangan pa rin ng dumaan ito sa pagsusuri ng mababa at mataas na kapulungan.

Binigyang din ng kapangyarihan ng konstitusyon ang Korte Suprema na desisyunan ang legality ng idineklarang batas militar.

Una nang nagpahayag ng pagkaalarma si Supreme Court Chief Justice Maria Lourdes Sereno sa posibleng pag-abuso sa Martial Law.

By Judith Larino

Comments

comments