Pinalawak pa ng Bureau of Immigration o BI ang pansamantalang pagsasara ng kanilang tanggapan sa Intramuros, Maynila hanggang ngayong araw.
Ito’y matapos maglabas ng abiso ang ahensya na suspendido muna ang serbisyo ng BI main office.
Ayon sa ahensiya, ito’y para mas masusing disinfection at sanitation sa buong gusali.
Bukod dito, ipinaalam naman sa mga kliyente ng naturang ahensiya na may kumpirmadong appointment na mag-rebook sa oras na magbalik operasyon.
Samantala, sa Huwebes, 18 ng Marso, magbabalik operasyon na ang BI sa kanilang tanggapan sa Intramuros.— sa panulat ni Rashid Locsin
