Inilabas na ng Bangsamoro Autonomous Region in Muslim Mindanao (BARMM) ang opisyal na bandila ng rehiyon.
Ito ang kauna-unahang Bangsamoro Act na nilagdaan ni Moro Islamic Liberation Front (MILF) Chairman Murad Ebrahim bilang chief minister ng BARMM.
Apat ang ginamit na kulay sa bandila ng BARMM kung saan meron itong gasuklay na porma ng buwan o crescent at sa gitna nito ay isang bituin samantalang sa bandang ibaba ay isang kris o moro sword.
Ayon kay Atty. Naguib Sinarimbo, spokesman ng BARMM, ang bandila ng BARMM ay repleksyon ng pagkakakilanlan ng mga mamamayan ng rehiyon, kasaysayan, kultura at mga hangarin sa hinaharap.
