Natagpuang patay ang assistant regional director ng Department of Interior and Local Government (DILG) sa Eastern Visayas na si Valente Bajet sa loob ng kanyang opisina ngayong Huwebes, Oktubre 24.
Ayon kay DILG spokesman Jonathan Malaya, dakong 12:30 p.m. kanina ng matagpuan si Bajet ng walang malay sa loob ng kanyang opisina at 1:30 p.m naman nang maideklara itong patay.
Wala namang nakita ang mga otoridad na anumang senyales ng foul play at patuloy pa nitong inaalam ang sanhi ng pagkamatay ni Bajet.
Si Bajet ay nanungkulan bilang DILG provincial director sa Northern Samar simula 2012 at naging assistant regional director naman ng DILG Region 8 nakaraang Enero ng kasalukuyang taon.
