Inilunsad na ng Department of Transportation and Communications o DOTC ang Oplan Ligtas Biyahe Undas 2015.
Ito’y bilang bahagi ng kanilang paglalatag ng seguridad sa mga istratehikong lugar sa Metro Manila partikular na sa mga sementeryo.
Sa ipinalabas na pahayag ng DOTC, bantay sarado na ngayon ang mga paliparan, pantalan, terminal ng bus maging ang mga public mass transport tulad ng LRT at MRT.
Patuloy din ang isinasagawang biglaang pag-iinspeksyon sa mga terminal ng bus at random drug and alcohol testing sa mga tsuper nito.
Mahigpit ding ipatutupad ang speed limit sa mga kalsada, ang Air Passenger Bill of Rights sa mga eroplano at pagtiyak na walang overloaded na mga barko at bangkang maglalayag sa karagatan.
By Jaymark Dagala
