Plantsado na ang segururidad na inilatag ng pambansang pulisya kasabay ng nalalapit na undas ngayong ‘new normal’.
Ayon kay PNP Chief Police General Camilo Cascolan, ito’y kasunod ng inaasahang pagdagsa ng mga bibisita sa mga sementeryo para bumisita sa kani-kanilang mga yumaong mahal sa buhay.
Kasunod nito, inalerto na ni Cascolan ang mga regional at provincial directors nito sa buong bansa para siguruhin ang kapayapaan sa kanilang mga nasasakupan.
May mga inilatag na ring mga help assitance desk ang kapulisan at mga Barangay Peacekeeping Action Team para rumonda sa kani-kanilang area of responsibility at makatugon din oras na may mangyaring ‘di kanais-nais. —ulat mula kay Jaymark Dagala (Patrol 9)
