Nagsimula na kaninang alas-5 ng madaling araw ang oras-oras na misa sa Quiapo Church ngayong Ash Wednesday na hudyat nang pagsisimula ng Lenten Season sa Simbahang Katolika.
Ang Ash Wednesday ay pagsisimula rin nang pag-aayuno para sa buong panahon ng kuwaresma.
Bilang pagtalima sa utos ng Catholic Bishops’ Conference of the Philippines (CBCP), pinaiiral ang no contact sa paglalagay ng abo sa mga nagsisimba at sa halip na ipahid, ibinubudbod na lamang sa noo ang abo bilang bahagi ng precautionary measures ng simbahan laban sa 2019 coronavirus disease (COVID-19).
