Mas mahabang oras ang ikalawang presidential debate sa darating na Linggo sa Cebu.
Ayon sa organizers ng nasabing debate na Philippine Star at TV 5, isang oras ang nadagdag sa dating dalawang oras na debate ng presidentiables sa ikalawang Pili-Pinas Debate na magsisimula ng alas-5:00 ng hapon.
Babawasan din ng mga organizer ang commercial sa nasabing debate bilang tugon sa reklamo ng publiko sa maraming commercials sa unang presidential debate.
Ang dating 90 segundo para sa sagot ng isang presidentiable ay gagawin nang 2 minuto.
Samantalang kalahating minuto naman ang inilaan para sa rebuttal ng ka-debateng kandidato.
Gaganapin ang debate sa Performing Arts Hall ng UP Cebu na kayang mag-accommodate ng 500 katao, subalit 300 lamang ang papayagang makapasok kasunod ng mga dahilan pang seguridad at teknikal.
Ang 200 kataong audience ay iimbitahan ng COMELEC samantalang ang 100 slot ay inireserba para sa faculty at mga estudyante ng UP Cebu.
By Meann Tanbio
