Inilagay na sa white alert code ngayong holiday season ang mga ospital at mga health stations sa General Santos.
Ayon sa DOH, ito’y para paghandaan ang mass casualty o emergency ngayong pasko at bagong taon.
Ayon kay Dr. Ryan Alicador, hepe ng ospital sa Dr. Jorge P. Royeca Hospital (DJPRH), nakahanda na ang mga gamot at iba pang suplay maging ang kanilang mga tauhan sa posibleng pinsalang idulot ng mga paputok sa kanilang lugar.
Sa ngayon, ipinagbabawal munang mag-leave ang mga medical personnel para mapangalagaan ang mga nakararanas ng trauma o pinsala at maprayoridad ang holiday season.
