Tinatayang 20 kilo ng shabu ang nasabat ng Philippine Drug Enforcement Agency o PDEA at PNP-AIDSOTF sa isang buy bust operation sa Novaliches, Quezon City, kagabi.
Nakalagay sa balikbayan box ang iligal na droga na nagkahahalaga ng 100 milyong piso nang masabat ng mga otoridad sa Mount Carmel Street, Vista Verde Subdivision, Barangay Sta. Monica.
Narekober ang nasabing kontrabando sa isang silver gold Toyota Avanza na may plakang WOL-771 na iniwan ng suspek na kinilala lamang sa alyas na Miko.
Naniniwala naman ang mga otoridad na may mga kasabwat o kasama ang suspek nang ideliver ang kilo-kilong high grade shabu.
By Drew Nacino | Jopel Pelenio (Patrol 17)
