Pwede nang masakyan ng mga dadalo sa opening ceremony ng 30th South East Asian Games (SEA Games) ang mga P2P buses.
Inaprubahan na ng Land Transportation Franchising and Regulatory Board ang mga ruta ng mga P2P buses patungong Philippine Arena sa Bocaue, Bulacan.
Mayroong 50 buses ang may rutang Vertis North papuntang Philippine Arena.
Apat na bus naman ang magmumula sa SM Subic patungong Philippine Arena.
Samantalang tig dalawang bus naman ang masasakyan ng mga pasaherong galing Ayala Cloverleaf at SM Mall of Asia papunta sa venue ng opening ceremonies.
Bukod pa ang mga P2P buses sa mga shuttle services na libreng masasakyan ng mga pasahero mula SM City Clark Transportation Hub papunta sa iba’t ibang sports venues sa Clark Cluster sa Pampanga.
