Arestado ang tatlong lalaki matapos na makuhanan ang mga ito ng P3-M halaga ng marijuana sa Caloocan City.
Ito’y kasunod ng ikinasang buy bust operation ng Novaliches Police Station, Caloocan Police at Philippine Drug Enforcement Agency (PDEA).
Bumili ang police poseur buyer ng marijuana sa 27 anyos na suspek na agad hinuli makaraang magpositibo sa kanilang pakay ang mga awtoridad at nalambat din ang tatlo pang kasamahan nito.
Nakuha mula sa mga naarestong drug suspek ang nasa 26 na kilo ng mga pinatuyong marijuana na nakasilid sa plastic bag habang ang iba ay nasa kahon.
Inamin naman ng pangunahing suspek na hindi na pinangalanan ang kaniyang ginawa dahil sa kahirapan at pinagsisisihan na niya ito.
