Humihirit ang ilang manufacturer ng tatlong pisong taas-presyo sa sardinas.
Dahil ito sa mataas na presyo ng diesel, imported tin sheets na ginagamit sa paggawa ng lata at paghina ng piso kontra dolyar.
Ayon kay canned sardines manufacturers Association of the Philippines Executive Director Francisco Buencamino, welcome sa kanila ang pahayag ng Department of Trade and Industry (DTI) kaugnay sa pag-aaral nito sa request ng ilang manufacturers na taasan ang presyo ng canned goods at bread products.
Samantala, sinabi ng DTI na hinihingi na nila ang lahat ng datos mula sa mga manufacturer upang matiyak na ang presyo ay tama at makatwiran para sa mga mamimili.
