Pinasalamatan ng Malakanyang ang House of Representatives sa pagpasa nito sa 2021 proposed P4.5 trilyong na National Budget sa ikalawang pagbasa.
Ayon kay Presidential Spokesperson Harry Roque, sa kabila aniya ng gusot sa usapin ng House Leadership ay naipasa agad sa 2nd reading ang panukalang pambansang pondo sa susunod na taon.
Binigyang diin ni Roque, maituturing na usaping panloob lamang ang problema sa leadership sa House of Representatives.
Muli namang iginiit ng Malakanyang na nais ni Pangulong Rodrigo Duterte na maipasa na ang panukalang pondo bago magtapos ang 2020.