Nasabat ng mga awtoridad ang umaabot sa P54 milyong ng hinihinalang shabu sa ikinasang drug buy bust operation sa Tunasan, Muntinlupa City.
Dalawang suspek naman ang naaresto ng mga awtoridad na kinilalang sina Renzy Louise Javier Vizcarra at Red Lewy Javier Vizcarra.
Ayon sa Philippine National Police (PNP), miyembro ang dalawa ng isang malaking grupo na siyang isa sa mga nangunguna distributor ng iligal na droga sa bansa.
Tumitimbang anila ang nakumpiskang shabu ng walong kilo.
Ikinasa ang drug buy bust operation ng pinagsanib na puwersa ng PNP, Philippine Drug Enforcement Agency, Intelligence Service of Armed Forces of the Philippines at National Intelligence Coordinating Agency.
