Aabot sa 56.9 milyong pisong halaga ng hindi deklaradong produktong agrikultura mula sa China, ang nasabat ng Bureau of Customs (BOC) sa Port of Subic.
Sa inilabas na pahayag ngayong araw ng BOC, nakalulan ang mga produkto sa 44 na container na dumating sa Subic noong Disyembre 5, 9 at 10.
20 sa mga container ay naka-consign sa victory J-M habang 24 ay sa Asterzenmed Inc.
Agad namang naglabas ang Port of Subic ng 17 alert order at pre-lodgment order laban sa mga kargamento ng dalawang consignee na posibleng maharap sa patong-patong na kaso.
