Arestado ang isang babae matapos mahulihan ng nasa 8.5 million pesos na halaga ng hinihinalang ecstacy sa Santa Rosa City, Laguna.
Kinilala ang suspek na si Aira Almonte na tumanggap ng isang package na naglalaman ng droga sa isang gas station sa Barangay Dita.
Pero nang buksan ang package, tumambad sa mga otoridad ang nasa 5,000 pirasong pink tablets na itinago sa anim na stuffed toy at apat na improvised pouch.
Nakumpiska rin ng Philippine Drug Enforcement Agency (PDEA) mula kay Almonte ang pekeng student I.D., postal I.D.at BIR TIN card.
Nahaharap ang suspek sa kasong paglabag sa Dangerous Drugs Act of 2002. – sa panulat ni Hannah Oledan
