Naniniwala si Senate President Pro Tempore Ralph Recto na hindi na kailangang isama pa ang mga pulis at sundalo sa pabahay project ng National Housing Authority.
Ayon kay Recto kaya naman maka-afford ng mga ito ng bahay mula sa mga private builders.
Giit ni Recto dapat ay maging bahagi ng pormal na sector ang mga sundalo at pulis dahil nakatatanggap naman ang mga ito ng magandang sahod.
Dagdag pa ng senador, dapat ay eligible silang mag-loan sa pag-ibig at hayaan ang pribadong sektor na magtayo ng kanilang bahay nang sa ganoon din ay makapamili sila ng lugar kung saan nila nais manirahan.
