Naglaan na ng isang milyong pisong pabuya ang pamahalaang panlalawigan ng Zamboanga Del Sur sa sinumang makapagbibigay ng impormasyon para sa agarang ikadarakip ng mga dumukot sa isang Briton at asawa nitong Pinay.
Si Allan Arthur Hyrons at ang kanyang misis na si Welma Paglinawan Hyrons ay kinidnap ng mga armadong lalaki sa isang beach resort na pag-aari ng mag-asawa sa Barangay Alindahaw, Bayan ng Tukuran.
Ayon sa Zamboanga Provincial Government, gagawin nito ang lahat ng kanilang makakaya upang masagip sa lalong madaling panahon ang mga biktima.
Samantala, nakaalerto na rin ang mga tropa ng pamahalaan sa lahat ng mga coastal municipalities sa naturang lalawigan.
