Kaagad sumabak sa trabaho si Senador Manny Pacquiao matapos mag-quarantine ng 14 days pagkagaling sa Amerika.
Sinabi ni Pacquiao na ngayong tapos na ang quarantine niya, magkakaroon na siya ng pagkakataong kausapin at konsultahin ang kanyang pamilya kaugnay sa pagpapasya sa kanyang political at boxing career.
Tatlo aniya ang option na pinagpipilian niya, una rito ang pagtakbo sa pagk- Pangulo, ikalawa ay sumabak muli sa pagka-Senador at ikatlo, mag-retiro na sa larangan ng politika.
Inihayag ni Pacquiao na kaagad niyang iaanunsyo ang kanyang political plan bago ang paghahain ng Certificate of Candidacy sa susunod na buwan.–-mula sa ulat ni Cely Ortega Bueno (Patrol 19)
