Isusumite ni Sen. Manny Pacquiao kay Pangulong Rodrigo Duterte ang mga hawak niyang dokumento o ebidensya ng katiwalian sa ilang ahensya ng pamahalaan.
Ayon kay Pacquiao ang mga hawak niyang ebidensya ng katiwalian ay mula mismo sa mga kawani ng gobyerno na hindi na masikmura ang mga nagaganap na katiwalian.
Ani Pacquiao, marami lumalapit at nagsusumbong sa kanya ukol sa mga kaso ng kurapsyon sa ilang tanggapan ng gobyerno
Umaasa ang senador na makatutulong ang mga isusumite niyang ebidensya para sa kampanya kontra korapsyon ng administrasyon
Sinabi ni Pacquiao na nais lamang niyang makulong ang mga kurap sa gobyerno dahil sila ang nagpapahirap sa ating bayan. —ulat mula kay Cely Ortega-Bueno (Patrol 19)
