Posibleng mas mauna pang mag – retiro sa pulitika si Senador Manny Pacquiao kaysa sa boksing.
Ayon kay Pacquiao, maraming beses nang pumasok sa kanyang isipan na magbitiw sa pagiging senador dahil sa dumi ng pulitika at hindi pagiging totoo ng ilang opisyal ng gobyerno.
Gayunman, binigyang – diin ni Pacquiao na hindi niya magawang kumalas ngayon sa pulitika dahil sa panghihinayang sa kanyang mga nasimulan.
Samantala, sinabi naman ni Senate President Koko Pimentel na nakahanda siyang payuhan si Pacquiao kaugnay sa pinagdadaanan nito sa pulitika.
Giit ni Pimentel normal lamang ito at naranasan din niya ang mga nararanasan ngayon ni Pacquiao noong siya ay nagsisimula pa lamang sa pulitika.
