Umaasa si Presidential Adviser for Entrepreneurship Joey Concepcion na papaboran ng IATF ang proposal na alisin na ang quarantine period para sa mga balik-bayan at biyahero mula North America.
Layunin ng hakbang na matulungang makabangon ang airline industry na isa sa mga matinding hinagupit ng COVID-19 pandemic.
Ayon kay Concepcion, malaking market para sa mga airlines ang North America na makatutulong sa local aviation industry na makarekober sa matinding pagkalugi.
Kung tatanggalin na anya ang quarantine period ay tiyak na magiging masaya rin ang pasko lalo’t inaasahang maraming Pilipino at biyahero mula amerika ang uuwi o magbabakasyon kasama ang kanilang mga mahal sa buhay.—sa panulat ni Drew Nacino
