Kasalukuyan nang inaalam ng mga awtoridad kung sino ang may-ari ng dalawang fishing vessel na sangkot di umano sa iligal na pangingisda sa lalawigan ng Masbate.
Ito’y makaraang abandonahin ng mga illegal poachers ang sinasakyan nilang bangka, hindi kalayuan sa isla ng La Manok sa bayan ng Esperanza habang nagsasagawa ng seaborn patrol operations ang pulisya.
Pero bago iyan, nagkaroon muna ng tensyon sa pagitan ng mga mangingisda at awtoridad nang magpalitan ang mga ito ng putok makaraang tangkaing tumakas ng mga suspek.
Agad namang hinabol ng mga awtoridad ang dalawang bangka na agad namang naabutan at naaresto ang ilan sa mga mangingisda habang wala namang napaulat na may nasawi sa insidente.
