Tiniyak ng National Security Council na pa-i-igtingin pa nila ang kanilang mga hakbang upang masugpo ang mga sinasabing espiya sa bansa.
Ayon kay NSC Assistant Director-General Jonathan Malaya, marami pa silang maaarestong mga espiya sa bansa at hindi anya sila titigil hangga’t hindi nauubos ang mga ito.
Kaugnay nito, binigyan-diin ni Assistant Director-General Malaya na malawak ang operasyon nina deng yuanqing at dalawang Pilipino na nahuli kamakailan dahil sa espionage activities.
Giit pa ng Opisyal, mayroong matibay na kasong hawak ang pamahalaan laban sa mga ito.
Samantala, nagpasalamat ang NSC Official sa publiko dahil sa mga pagre-report at hiniling ang patuloy na kooperasyon lalo na kung may mga kahina-hinalang aktibidad na mamo-monitor. – Sa panulat ni Kat Gonzales
