Inako ng grupong Islamic State of Iraq and Syria o ISIS ang panibagong pag-atake sa isang hotel resort sa Tunisia kung saan umaabot na sa 39 ang nasawi.
Inilabas pa mismo ng ISIS ang larawan ng suspek na sinasabing namaril sa loob ng Hotel Riu Imperial Marhaba sa Coastal City ng Sousse (SUS)
Sinabi naman ng Interior Ministry Spokesman na isang estudyante ng engineering ang gunman sa kalapit na bayan ang Kairouan.
Karamihan sa mga biktima ay mga dayuhang Briton, German, Belgian at Irish.
Sinasabi naman na nasawi ang gunman matapos na makipag-putukan sa mga otoridad.
By Rianne Briones
