Minaliit lamang ni Department of Justice (DOJ) Secretary Leila de Lima ang pag-atras sa kaso ng isa sa mga complainant laban sa mga recruiters ni Mary Jane Veloso.
Sinabi ni de Lima na walang epekto sa mga kaso laban kina Maria Kristina Sergio at Julius Lacanilao ang pag-urong ni Ana Marie Gonzales sa kasong large scale illegal recruitment na isinampa niya laban sa dalawang akusado.
Mayroon aniyang iba pang mga hiwalay na kaso at complainant laban kina Sergio at Lacanilao.
Ayon sa kalihim, hindi basta-basta papayagan ng hukuman ang pag-atras ni Gonzales.
Aalamin muna aniya ng korte ang dahilan ng pag-urong ng complainant para matiyak na ito ay hindi pinilit o tinakot.
By Mariboy Ysibido
