Nagpasalamat si Eduardo Eddie Guillen kay Pangulong Ferdinand Marcos Jr. kasunod ng pagkakatalaga sa kaniya bilang bagong Administrator ng National Irrigation Administration (NIA).
Sa panayam ng DWIZ, sinabi ni Guillen na dalawang buwan pa lamang siya nagtatrabaho sa NIA board nang itinalagang administrator nito.
Si Benny Antiporda ang opisyal na pinalitan ni Guillen bago tuluyang tanggalin sa pwesto ang una.
Tiniyak naman ng bagong NIA administrator na pangangasiwaan niya ng mabuti ang administrasyon at ipinayo sa mga empleyado nito na huwag nang bumuo ng mga paksyon.
