Magdudulot ng mas maayos, mas mabilis, at mas episyenteng serbisyo publiko para sa mga Negrense ang pinag-isang rehiyon ng Negros Island at Siquijor.
Ito ang binigyang-diin ni Sen. Lito Lapid, Chairman ng Senate Committee on Tourism, matapos lagdaan ni Pangulong Ferdinand Marcos Jr. ang Republic Act No. 12000 o Negros Island Region (NIR) Act kamakailan.
Matatandaang naging bahagi si Sen. Lapid sa pagbalangkas ng NIR Act sa ilalim ng Senate Bill No. 2507 na inaprubahan ng Senado nitong Marso.
Ayon pa kay Sen. Lapid, malaking tulong sa pag-unlad ng rehiyon sa larangan ng turismo, kultura, ekonomiya, industry transformation, at Information and Communication Technology (ICT) ang naturang batas.
