Patuloy pa ring mararanasan ang epekto ng Southwest Monsoon o Hanging Habagat sa bahagi ng Southern Luzon, Palawan at Bicol region kaya asahan ang maulap na kalangitan na may mga pag-ulan, pagkulog at pagkidlat lalo na sa hapon hanggang sa gabi.
Ayon kay PAGASA senior weather specialist Chris Perez, makakaranas ng maaliwalas na panahon ang Metro Manila at natitirang bahagi ng Luzon pero posibleng ulanin sa hapon at gabi bunsod parin ng localized thunderstorms.
Magiging maulap din ang buong bahagi ng Visayas at Zamboanga Peninsula kaya mataas ang tiyansa na makaranas ng mga pag-ulan, pagkulog at pagkidlat dala parin ng Hanging Habagat.
Samantala makakaranas naman ng mainit at maalinsangang panahon sa natitirang bahagi ng Mindanao pero may tiyansa ng mga isolated rain showers dulot ng localized thunderstorms.
Wala namang nakataas na gale warning ang PAGASA kaya malaya pa ring makakapalaot ang mga kababayan nating mangingisda at maliliit na sasakyang pandagat.
Agwat ng temperatura sa Metro Manila ay maglalaro sa 24°C hanggang 34°C habang sisikat naman ang haring araw mamayang 5:35 ng umaga at lulubog naman ito mamayang 6:29 ng hapon.
