Kinumpirma ng PNP ang pagpapasara ng PAGCOR sa casino ng Fort Ilocandia Resort Hotel sa Ilocos Norte.
Kasunod ito nang paglayas ng maraming Chinese Nationals sa lalawigan matapos maalarma sa posibleng pag raid din ng mga otoridad sa Fort Ilocandia Casino.
Ang paglayas ng Chinese Nationals ay kasunod ng raid sa Fontana kung saan maraming kapwa Chinese Nationals ang naaresto dahil umano sa onling gaming.
Ayon kay PNP Ilocos Norte Provincial Director Senior Supt Jose Melencio Nartates Jr. walang nangyaring raid sa casino ng Fort Ilocandia kayat lumayas ang maraming Chinese Nationals.
Nagsagawa lamang aniya sila ng conference hinggil sa anti illegal drugs sa lugar at posibleng inakala ng Chinese Nationals na may raid dahil sa tanong ng media kaugnay nito.
By: Judith Larino
