Hindi pa hinog o hindi pa napapanahon para isailalim sa Alert level 1 ang National Capital Region (NCR).
Ito ang inihayag ni Department of the Interior and Local Government (DILG) Secretary Eduardo Año sa kabila ng bumababang bilang ng mga tinatamaan ng COVID-19 sa bansa.
Ayon kay Año, posibleng muling sumirit ang kaso ng COVID-19 lalo’t nagpapatuloy ang Campaign period.
Sinabi pa ni año na mas kailangan pang higpitan ng gobyerno ang pagmomonitor o pagbabantay sa bawat mga lungsod upang hindi kumalat o maipasa sa iba ang nakakahawang sakit.
Nabatid na bukas, Pebrero a-15 ay muling maglalabas ang Inter-Agency Task Force (IATF) ng panibagong quarantine guidelines na tatagal hanggang sa Pebrero a-28. —sa panulat ni Angelica Doctolero
