Pabor si Justice Secretary Menardo Guevarra na isailalim ng Inter Agency Task Force (IATF) ang National Capital Region (NCR) sa covid-19 alert level 1 sa susunod na buwan.
Paliwanag ni Guevarra, kung mananatiling stable at hindi aakyat ang bilang ng mga kaso ay maaaring ikonsidera ng IATF na ibaba ang alert level sa Metro Manila sa Marso.
Ayon kay Guevarra, hindi makatutulong sa bansa kung itataas ang alert level sa bansa lalo na sa ekonomiya.
Aniya, mabuti ring obserbahan at bantayan ang epekto ng mass gathering sa pagsisimula ng election campaign period sa bansa.
Sa kasalukuyan nasa alert level 2 ang NCR at ibang bahagi ng bansa hanggang sa a-15 ng Pebrero.
