Lumarga na sa lungsod ng San Juan ang pagbabahay-bahay upang bakunahan kontra COVID-19 ang mga senior citizen at bedridden na residente.
Sinimulan ang home vaccination program sa Barangay Batis, kaninang alas-10 sa pangunguna ni Mayor Francis Zamora.
Ayon kay Zamora, hindi malayong dapuan ng COVID-19 ang mga lolo at lola maging ang mga nakaratay kahit nasa loob ng bahay.
Tinitiyak anya ng mga medical worker sa lungsod na physically at medically qualified ang mga bedridden patient na babakunahan.
Sinimulan din sa San Juan ang pamamahagi ng quarantine passes sa mga residente dalawang araw bago muling isailalim sa Enhanced Community Quarantine ang Metro Manila.
