Ini-imbestigahan na ng Department of the Interior and Local Government (DILG) ang pagbagsak ng helicopter ng Philippine National Police (PNP) sa Infanta, Quezon na ikinasawi ng isa at ikinasugat ng dalawang iba pa.
Ayon kay acting spokesperson at cabinet secretary Karlo Nograles, ini-imbestigahan na ang sanhi ng pagbagsak ng helicopter.
Sa tanong naman kung may pananagutan sa nangyari si PNP chief Dionardo Carlos, hindi muna ito sinagot ni Nograles.
Patungo sanang Balesin sa Quezon ang helicopter para sunduin ang pamilya ni Carlos pero bumagsak ito sa Quezon Province.—sa panulat ni Abby Malanday
