Pinayuhan ni Senador Sherwin Gatchalian ang mga matataas na opisyal ng PCSO o Philippine Charity Sweepstakes Office na magbitiw na lamang sa puwesto.
Reaksyon ito ni Gatchalian kasunod ng nabunyag na magarbong Christmas Party ng PCSO sa isang five star hotel sa Mandaluyong City na nagkakahalaga ng 6 hanggang 10 Milyong Piso.
Ayon sa Senador, hindi aniya katanggap-tanggap ang anumang pagtatangka ng mga opisyal ng PCSO para idepensa ang nasabing okasyon dahil sa maraming mga Pilipino ang pahirapang makakuha ng tulong sa kanila.
