Hanga si Rev. Fr. Jerome Secillano, Executive Secretary ng Catholic Bishops Conference of the Philippines (CBCP) sa ginawang pagbibitiw sa pwesto ni Baguio City Mayor Benjamin bilang contact tracing Czar matapos itong dumalo sa isang party kung saan nakitaan ng paglabag sa health protocols.
Ayon kay Fr. Secillano, isang magandang ehemplo ang ginawa ni Magalong bilang isang opisyal ng gobyerno kung saan makikita na hindi lahat ng lider ay nakakapit sa posisyon.
Dagdag pa ni Secillano, dapat na maalis ang entitlement sa mga public servant at hindi sariling interes ang mamayani.
Matatandaang nagbitiw sa pwesto si Magalong nitong Biyernes matapos itong dumalo kasama ng kanyang misis sa birthday party ni Tim Yap na nakitaan ng paglabag dahil sa hindi pagsusuot ng facemask at paglabag sa physical distancing ng mga bisita.—sa panulat ni Agustina Nolasco
