Pinaiimbestihan na ng Senate Blue Ribbon Committee ang maanomalyang pagbili ng mga entry-level at overpriced na mga laptop ng Procurement Service ng Department of Budget Management.
Sa Resolution No. 134 na inihain ni Senador Alan Peter Cayetano, hinikayat nito ang Komite na imbestigahan ang isyu.
Habang sinabi naman ni Senador Win Gatchalian na kailangang busisiin ang anomalya dahil pera ng taong-bayan ang ginamit at apektado rin ang mga guro.
Una rito, naghain na rin si Senate Minority Leader Koko Pimentel ng Senate Resolution No. 120 na layon ding paimbestigahan sa Senado ang isyu.
Tiniyak naman ng DepEd ang pakikipagtulungan nila sa imbestigasyon.
