Kasado na ang inaasahang pagbubukas muli ng Isla ng Boracay bukas, ika-16 ng Hunyo.
Ito ay matapos luwagan ang restrictions sa pagpapatupad ng lockdown dahil sa coronavirus disease 2019 (COVID-19) pandemic.
Ayon kay Tourism Secretary Bernadette Romulo-Puyat, napagkasunduan sa pulong ng Boracay Inter-Agency Task Force na muling buksan ang isla sa mga turista dahil wala nang naitatalang kaso ng COVID-19 sa lugar.
Matapos ang pulong ay nagsagawa ng inspeksyon sa baybayin ng Boracay sina Puyat at Department of Environment and Natural Resources Secretary Roy Cimatu.
