Ibinabala ni Pangulong Rodrigo Duterte ang muling pagbuhay ng sparrow unit ng New People’s Army (NPA).
Ang sparrow unit ay kilalang hit squad ng NPA na tumatarget sa mga sundalo at pulis.
Sa kanyang talumpati sa harap ng mga sundalo sa Edwin Andrews Airbase sa Zamboanga sinabi ni Pangulong Duterte na ang pagbabalik ng sparrow unit ay tugon ng rebelde sa nabigong peace talks.
Kasabay nito, pinag-iingat ni Pangulong Duterte ang tropa ng pamahalaan at pinayuhang maging mas mapagmatiyag kahit wala sa kanilang mga duty.
—-
