Muling iginiit ng Malacañang na hindi makikialam si Pangulong Rodrigo Duterte sa ginagawang imbestigasyon ng Senate Blue Ribbon Committee.
Ito’y kahit pa isinasangkot sa nasabing usapin ang panganay na anak ng Pangulo na si Davao City Vice Mayor Paolo ‘Pulong’ Duterte at ang manugang nito na si Atty. Mans Carpio.
Ayon kay Presidential Spokesman Ernesto Abella, pinatunayan lamang ng pagharap nila Pulong at Atty. Mans na handa nilang harapin ang mga alegasyong ipinupukol sa kanila.
Magugunitang paulit-ulit na inihahayag ng Pangulo sa kaniyang mga talumpati na handa siyang magbitiw sa puwesto bilang Pangulo kapag napatunayang sangkot sa katiwalian ang isa sa kaniyang mga anak.
SMW: RPE
