Bigo ang kampo ni dating Senador Bong Revilla Jr. na maipagpaliban ang paghahain nila ng mga ebidensya kaugnay sa kinahaharap nitong kasong plunder at graft sa Sandiganbayan.
Ito’y makaraang igiit ng kampo ni Revilla na mayroon pa silang nakabinbing mosyon sa Korte Suprema at hinihintay na lamang nila ang hinihingi nilang TRO o Temporary Restraining Order mula rito.
Dahil dito, ipinagpaliban ng Anti-Graft Court ang apat na araw na magkakasunod na pagdinig para sa paghahain ng ebidensya ng depensa mula kahapon, Pebrero 15 gayundin sa mga petsang Pebrero 22 at 27.
Babawasan din ng Sandiganbayan ng apat na araw ang kabuuang 60 araw na paglilitis sa Senador dahil sa pagbasura ng Korte sa mosyon nito at itinakda ang susunod na pagdinig sa Marso 6.
Posted by: Robert Eugenio
