Mapayapa sa pangkalahatan o generally peaceful ang naganap na pagdiriwang ng Pasko sa National Capital Region o NCR.
Ito ang ipinagmalaki ni National Capital Region Police Office (NCRPO) Director Oscar Albayalde kasabay ng paliwanag na wala namang napaulat na aksidente na sanhi ng malalakas na paputok at stray bullets.
Nilinaw naman ni Albayalde na magpapatuloy ang kanilang pagbabantay sa mga pampublikong lugar tulad ng mga mall, at iba pang pasyalan para matiyak ang kaligtasan ng mga mamamayan.
Sa kabila nito, sinabi ng NCRPO Chief na wala pa ring patid ang kanilang kampanya laban sa ipinagbabawal na droga kahit ngayong holiday season.
By Jelbert Perdez
