Naniniwala ang Malaysian Authorities na Abu Sayyaf ang nasa likod ng pagdukot sa Tatlong mangingisda mula sa Pom Pom island sa Sabah, noong Sabado.
Ayon kay Commander Datuk Wan Abdul Bari Abdul Khalid ng Eastern Sabah Community Command, pitong armadong Filipino na pinaniniwalaang miyembro ng kidnap-for-ransom group ang dumukot sa tatlong Malaysian at dinala sa Tawi-Tawi.
Gayunman, nilinaw ni Khalid na hindi citizen ng Malaysia ang tatlo at pawang permanent resident lamang ang mga ito.
Samantala, tikom pa rin ang AFP-Western Mindanao Command at joint task group Sulu sa panibagong insidente ng kidnapping.
By: Drew Nacino
