Inako na ng New People’s Army o NPA ang responsibilidad sa pagdukot sa 5 pulis sa Davao City noong Sabado.
Ayon kay PNP Spokesman Police Chief Supt. Wilben Mayor, bagamat inako na ng npa ang krimen, wala naman silang ibinigay na rason sa nasabing pagdukot.
Nakikiusap aniya sila sa NPA na palayain na ang limang bihag na pulis.
Iginiit ni Mayor na walang kasalanan ang mga nasabing pulis dahil ginagawa lamang ng mga ito ang kanilang trabaho na pantilihin ang kapayaan sa kanilang nasasakupang lugar.
Tiniyak din ng PNP official na may mga hakbang na ginagawa ang pulisya para mapalaya ang mga bihag na pulis.
By Meann Tanbio | Jonathan Andal (Patrol 31)
