Inihinto na ng mga awtoridad ang paghahanap sa eroplanong napaulat na bumagsak sa karagatang bahagi ng Romblon.
Ayon kay Romblon Provincial Director Senior Superintendent Leo Quevedo, walang nakitang senyales ang search and rescue team na may eroplanong bumagsak sa pagitan ng barangay Agbayi at barangay Binongaan sa bayan ng San Agustin.
Sinabi ni Quevedo na kung sakiling totoo man ang impormasyon ay may mga kaanak na sanang nagtungo sa pulisya para i-report ang pangyayari.
Pero sa ngayon, inihayag ng opisyal na wala silang natatanggap na ni isa mang report kaugnay ng insidente.
Maliban dito, maging ang Civil Aviation Authority of the Philippines o CAAP at Philippine Air Force ay hindi makumpirma ang impormasyon.
—-
