Patuloy ang search and rescue operations sa nawawalang mountaineer sa San Jose, Tarlac.
Ito’y matapos matangay ng rumaragasang baha ang isang grupo ng mga trekkers sa nagsasa creek kung saan 5 ang nasawi habang 1 ang nawawala.
Sa panayam ng DWIZ, sinabi ni Tarlac Police Provincial Director Senior Supt. Alex Sintin na inaalam pa rin nila kung mga miyembro ng isang lehitimong grupo ng mountainers ang mga nasawi at nawawalang trekker.
Ayon kay Sintin, kasama ang mga biktima sa outreach program para sa mga aetas sa Mt. Kawayan sa nabangggit na lalawigan.
Paliwanag naman ni Sintin, tutukuyin nila kung sino ang maaaring may pananagutan sa nasabing trahedya.
“We’re going to conduct investigation and file a case sa lahat ng responsable. Tignan natin yung event organizer ng grupo at sino yung mga responsable na nag-udyok para ibahin yung ruta ng mga ito.”
By: Jelbert Perdez/ Ratsada
