Tuloy pa rin ang paghahanda ng Commission on Elections (COMELEC) kahit na ipinagpaliban ngayong taon ang pagdaraos ng Barangay at Sangguniang Kabataan Elections (BSKE).
Ito ang binigyang-diin ni COMELEC Chairman George Garcia kung saan kailangan lamang aniya ng poll body na tumigil ng kahit isang linggo sa pag-iimprenta ng mga balota para ayusin ang template ng balota.
Kabilang aniya rito ang pagpapalit ng bagong election date sa October 2023 sa halip na December 5, 2022.
Nakatakda namang maglabas ng resolusyon ang COMELEC na magagamit pa rin sa manual election sa susunod na taon ang mga na-imprenta ng balota na may petsang December 2022.
Nabatid na nasa lima hanggang anim na milyong balota ang na-imprenta na bago ang pagpapaliban ng naturang eleksyon.
