Iginiit ngayon ni Vice President Jejomar Binay na hindi siya ang top ad spender.
Ang pahayag ay ginawa ni Binay matapos ilabas ng media research firm na Nielsen Philippines na si Binay ang biggest spender sa TV advertisements noong nakaraang taon sa hanay ng mga presidential candidates.
Lumalabas na si Binay ay gumastos ng P596-million pesos sa kanyang TV ads mula January 1 hanggang November 30, 2015.
Pumangalawa si Senador Grace Poe na umaabot sa P448-million pesos; pangatlo si Liberal Party standard bearer Mar Roxas (P425-million); at Davao City Mayor Rodrigo Duterte (P115-million).
Depensa ni Binay, pinondohan ng kanyang mga kaibigan ang kanyang TV advertisements.
By Meann Tanbio
