Mariing itinanggi ng Philippine National Police o PNP ang balitang naaresto na ang dating driver-bodyguard ni senadora Leila de Lima na si Ronnie Dayan.
Ito’y makaraang kumpirmahin sa DWIZ ng isang source ang pagkaka-aresto kay Dayan sa Urbiztondo, Pangasinan sa bisa ng arrest warrant na ipinalabas ng kamara de representantes.
Ayon sa source, ang mga tauhan ng Urbiztondo PNP kasama ang mga operatiba mula sa Criminal Investigation and Detection Group o CIDG ang nagsagawa ng operasyon batay sa intelligence report mula sa Armed Forces of the Philippines o AFP.
Gayunman, kapwa ito itinanggi nila Urbiztondo chief PNP inspector Joshua Maximo at Pnp Deputy Director for Operations C/Supt. Benjamin Magalong at wala na silang naging komento hinggil sa usapin.
By Jaymark Dagala
